Naceu en Cualedro (Ourense) o 5 de maio de 1875, ingresou na Congregación o 11 de maio de 1891, emitiu os votos o 3 de agosto de 1893 e foi ordenado de sacerdote o 27 de maio de 1899. Foi o seu primeiro destino México, onde pasou 14 anos simultaneando a docencia no Seminario diocesano coa predicación do evanxeo aos indios maias. En 1914 é destinado a Estados Unidos, volve a España en 1924 destinado a Ourense e en 1935 foi enviado á residencia de Xixón (Asturias), onde atopará o martirio do 14 de agosto de 1936.
Consérvase unha carta súa de mozo a un formador do seminario, contándolle o seu labor misioneira entre as montañas de México e fálalle con alegría da posibilidade de morrer mártir. Parece ser que o formador explicáralles a relación do martirio coa actividade misioneira e o discípulo cóntalle as súas vivencias. Ao P. Atanes levárono prisioneiro a un cárcere improvisada para relixiosos no Colexio dos Xesuítas de Xixón. Incluírono no matanza do 14 de agosto, xunto a sete sacerdotes seculares, catro capuchinos, tres deles sacerdotes e tres Xesuítas. A saca montouse como un espectáculo de masas, conducidos en pleno día nun camión descuberto, amodo entre as rúas de Xixón aos berros da multitude contra os sacerdotes e contra a Igrexa. Matáronos no mesmo cemiterio.
 

http://www.vincenziani.com/profilotobarspagnolo.htm